台北自由行之旅(第三日)

吾經吾覺我地巳經玩左一半行程!即係第三日呀!
出發前食番個飽飽早餐先!

食完飽飽我地搭捷運去木柵動物園

因為我地懶惰吾想自己行!所以坐小火車上山頂!

落左火車後參觀兩棲爬蟲動物先!

之後就去企鵝館!大家吾好學我呢個動作!
分分鐘比工作人員捉你架!

入到企鵝館見到好多著晒踢死兔的企鵝!

參觀完企鵝館後隔離有間精品店!
我同小雲就入去影下相先!

咪以為搞搞震無幫襯呀!小雲有買手信架!

玩完影完又買完喇!!
我地去參觀非洲區同熱帶雨林區呀!
不過好多動物都貪睡!

兩隻甩繩馬騮!梗係影番張合照先!

大家行到倦倦地又有些肚餓就搵間快餐醫下肚先!

食飽美味既午餐後繼續參觀!
去澳洲區睇下先!似鴕鳥又吾係鴕鳥??

你睇袋鼠見到都我地都同我地講聲{Hello}

連駱駝嘜都出黎打個招呼呀!!

行行下見到亞洲土人公仔我梗吾放過啦!!

好野去到無尾熊館!!好彩佢無食飽就訓!
仲周圍爬樹擺晒POST比我地影相添呀!

離開木柵動物園前影番個大門口先!

行到車站唸下搭乜車去深坑老街!
見到警察梗係吾好煩問下路搭乜車!
佢好熱情又同我地講左好耐呀!一路等車一路傾!
當公車到啦!佢仲同司機講：我地香港黎架！
一陣到站夫記得叫佢地落車呀！
你話台灣警察幾好人呀!

我地坐到深坑老街呀!
行左一陣就見到有仔街邊排晒大隊!
就知到喇!我地梗係食番串串燒豆腐先!
又真係好好味道!大家去到記得去試試!

之後我地又試下魚丸魚羹綜合湯!
一碗有兩種丸都幾好味!

再行幾間舖又有好野食!
豆腐冰淇淋好香豆腐味!正呀!

我地繼續行!行到街尾見到有聯歡晚會!
果度好多野睇架!有猜燈謎,攤位...仲有免費湯丸食添呀!
因為未到時間派發!無得為食添!
呢檔係好耐無見過既糖做公仔糖呀!!
細細過時都有玩過!好懷念呀!

係深坑街尾段見到一座靚靚建築物!

再入番老街又見到正宗第一間雪糕店!
我地再試埋芝麻味豆腐雪糕先!又幾好呀!

之前係深坑老街吾敢食得太飽!
因為我地要到樂樂燒肉食炭火燒烤!

呢度任飲任食!
你睇下我未食巳經咁開心呀!飲杯!!

侍應{小帆}更主動幫我地影張合照添!

第一輪試下(牛五花, 牛廋肉, 霜降牛)

之後就燒蝦蝦!正呀!

好野!!試完牛牛類後!而家到海鮮類喇!

小帆仲親自落手燒多春魚添!

之後再燒魚下巴呀!好香口呀!

我地食左兩輪牛舌呀!!正!!

再燒小牛排!都好有牛味!

呢件係小雲至愛燒豆腐

食到尾段我見到無乜人!我仲走埋入廚房扮侍應添!

見吾見到後面黑衫戴眼鏡就係小帆呀!!
好親切!好好人!佢識聽少少廣東話!

原本每桌可以燒烤兩小時!
我地過晒時間仲繼續燒!

臨尾仲有燒麻糬
同埋金菇煮蜆呀!

隻隻都張開晒蜆口叫我食晒佢呀!

最後成間舖只走剩最後兩?!
連小雲都出黎倒亂檔扮侍應整味料添!

成間舖只得四人!有大師 ,小帆 ,美美 ,仲有志軒呀!

最後食埋芒果雪糕做甜品就埋單走人!
因為我地不經不覺巳經食到十一點半呀!

之後我地拿拿臨比加急急腳行去搭捷運番酒店!

咁樣再次完成第三日的行程!
大家繼續留意第四日!我會好快出架啦!
你地比心機留多d言呀!!

如想更清楚及好好好詳細知道第三日行程(請到)
台北自己遊 Day 3 (Part 1)
台北自己遊 Day 3 (Part 2)
台北自己遊 Day 3 (Part 3)