第五天：咁快又到左啦！真係有d吾舍得！
正如到第四晚知道玩埋聽日就要番香港繼續努力工作！
好想添食玩多幾日！但都要面對明天的來臨！
好啦！因為我地咁多日都未係呢間酒店影下相！
所以我趁離開酒店前！周圍影下個環境！順便參觀埋個遊艇會！
我地天未光就起身！梳洗完畢！
太陽伯伯剛剛好出黎同我地講聲早晨！咁大個仔第一次睇日出！
原來日出同日落一樣咁靚！死火！又多一樣影相的機會！
不過就要早起身！如果影到靚靚太陽都會值得的！
影完一輪太陽之後就拿拿聲快d食埋個早餐！
好快食完個早餐之後！就各自各去影相！
你睇晨咁早無人游水個泳池幾靚！吾會有人騷擾你影相！
其實個泳池都算大架！不過我地咁多日只游得一次咋！浪費左添！
你地記吾記得我地第一日原本住兩層獨立屋仔！
因為屋仔太多小昆虫出現！所以第二日就要搬家搬回酒店區！
呢度就係酒店區！我地住二樓間房仲可以望到泳池添！
另外酒店旁有一個好大的旅艇會！放左好多大大架旅艇！
我地梗係吾會放過呢個機會啦！最衰吾可以爬上艇果度影喇！
如果可以就very骨喇！
你地估下呢架似吾似飛機定係船呢？莫非係水上飛機呢？
本來想同小雲影張合照！麻煩太子威渣機！點知佢行得太遠！
唯有自拍！你睇呢張都影得吾錯呀！
影到七七八八！夠鐘番酒店歸隊離開酒店喇！咁下一個站係慈恩寺！
呢度好多大大細細的塔同埋廟！興建得好宏偉壯觀！
影完之後再去埋d好無聊的地方參觀！有蜂園、珠寶店、腰果廠！
好彩有d地方都有得試食！吾係就悶到嘔呀！
行到個個都無心機行果時！就到最後的BIG C大型商場食午餐！
我地各自叫左湯粉湯麵食啦！你睇：碗粉麵幾細碗！威少一定吾夠食！
係上車前我地仲臨急買左個薄餅上車食添！都幾好味！
不過d《豬屎》就太少喇！
到最後導遊仲帶我地去埋《佢可以勁抽水地方》買手信！
吾知係咪個個團友之前買吾夠手信！去到呢度個個都瘋狂入貨！
用盡銀包的泰幣！每個人都一袋二袋離開！
睇見個導遊四萬咁口就知佢賺幾多呀！
玩又玩完喇！食又食完喇！連買都買完喇！要到機場飛番香港喇！
去到機場我地未放過每個買野時刻！用埋散子包的一分一亳！
集合四人的散子！都夠錢買到少少甜品上飛機食！
呢個就係我地團的領隊！本來想同埋導遊一齊影張大合照！
等到最後都見不到！
梗係啦！收左導遊小費仲係度做咩！梗係走左慢慢數錢好過啦！
上到飛機！今次有窗口位坐喇！雖然出發都係窗口位但望住個引擎！
乜野都睇吾到！呢次好好多！同埋出發去泰國時果餐的飛機餐簡直係。。。
但今餐就好些啦！至少有飯落肚！個樣似壽司！
就叫佢《DIY日式雞柳壽司啦！》點解叫DIY因為要自己每樣野去組合黎食！
不過又幾好味！可能d雞柳夠多汁啦！
食飽！坐多一陣見到出面好靚喎！因為我地呢邊望到太陽下山！
個太陽慢慢降落水平線！好靚呀！仲有就係當太陽伯伯仲未落完之際！
月亮小姐又出左黎開工喇！
如果你地之前在第一日果時有留意《小雲個blog應該有看過呢張相！》
未看過就要去睇睇喇！不過呢張日落相都吾差呀！
好啦！咁就玩完呢五天旅程喇！吾知我地下次集體大旅行會去邊度呢？
《如果大家有心水可以提出！多d人玩得開心d又食得多d》
詳細行程可到以下網誌
或者
