我地的行山成員越來越多！而家再加多兩名！有太子威同型姐！
今次我地試下吾行西貢！我地選擇左梅窩至愉景灣！
記得舊時去梅窩要坐渡海輪船！但而家有地鐵去到東涌再轉巴士！咁就到左！幾方便呀！
但今次我地反樸歸真轉坐渡海輪去梅窩！因為我地搭十點船！就九點九碼頭等啦！
仲記得舊時上船一定會食船上碗仔福字湯麵！正呀！唸起都流晒口水！
所以唸住上船整番碗！點知無左賣野食檔口！轉左自助售賣機！一個一個合味道排晒隊等大家買！隔離仲有自助熱水機！比人地燙麵用！好過無喇！但係我地無幫親！因為吾食碗仔麵！
上左岸！拿拿林醫下個肚先！食飽起程！
望地圖好似好簡單好易行！所以起步前大家精神十足！行左一陣沿海平路！大家都好輕鬆！原來一開始行平路當熱身！
真正起步就要上樓梯喇！可能知道要行樓梯個個都慢慢行儲定多些氣力等之後用！
大家不斷上！不斷上！終於上到上頂呀！
大家唸住係個涼亭開餐！點知去到發覺超大風！個個吹到傻佬傻婆咁！最後放棄個涼亭落低些！我地選擇左個有少少樹阻風但又曬到既地方！五個人圍住圈開餐喇！首先食個《麥洛雞》每人有三件！之後就有重頭戲《出爐燒肉》個個都急不及待食呀食呀！可能放得耐左d燒肉皮無咁脆！個個都話無咁好食！但係個個都斷續照拮放落口！食呀食呀！
食到尾聲！突然我地附近有架單車駛過！仲向我地問路！心唸呢度山頂黎播！頭先我地都行樓梯都行到死死下！你點上黎架！原來佢地係四人一組踩越野單車！你地睇下佢地幾勁！佢地就好快咁剷落山沖左入樹林方向喇！之後我地收拾好又繼續我地行程！下站神學院！個個食飽有氣力下山！
話咁快到左神學院啦！個個即刻拿出相機！你有你影！我有我影！好熱鬧呀！不過我地好自律無蘇擾到其他人！會好靜咁影！我大約估計！我地係神學院影相都磨左成個鐘！
《《請問各位知吾知最後果條紅色草係什麼名稱呢﹖﹖》》
離開神學院行左一陣好快又見到愉景灣喇！之後就入商場梳洗一番！就去碼頭等船番中環！係等船期間更大玩集體相！大家都玩得好開心！影完相剛剛好船到！咁又完成一個開心的梅窩至愉景灣輕鬆行山一天遊！
