又係就吾到星期六，日！如果係就可以多d時間去慶祝！吾緊要啦多有多做！少有少做！
禮物就準備好晒喇！活動就梗係吾少得啦！我同會長私人傾談有咩野搞！我地傾掂去南丫島玩水兼慶祝！最後有請dada主管一齊籌備！大家分工合作！你book晚餐座位！你整小食！你買蛋糕！你睇船期。。。。！講真我好似無乜野幫到手！好似會長同dada做晒咋！我唯一去到南丫島就落力搞好氣氛！
一到碼頭就見到旦氏伉儷同會長坐左係度等梗我地！咁樣我地六個人就急急腳沖去入閘！明明數極係五個人！點解會數到六個呢？因為仲有就係超人未提囉！好喇！大家出發！
好彩！隻船剛剛到！人群慢慢上船！我為左大家可以坐埋一齊有傾有講！我一支箭飛到上層船尾位置！然後霸住六個位先！幾鬼核突！為左大家有位坐無問題啦！梗係影番張大合照先啦！
上船前我還番個子姜小樽比dada！佢竟然發覺入面有野食！仲拿拿林開蓋添！因為小雲回禮裝左一樽酸酸甜甜小青瓜！唸住去到沙灘時食或帶番屋企慢慢享用！而家一上船dada巳經急不待開餐呀！你睇dada幾為食！
同埋搭地鐵前交左張生日咭比超人給大家寫祝福語！所以超人就坐左尾三果行！各人好自動上前陪呀超人坐同埋傾計！梗係啦！坐前d小雲咪睇吾到佢地做咩啦！大家寫得好快就寫完！
差吾多要下船喇！一上左岸就見到岸上有好多好多好多人！好似年三十晚行花市咁！好恐怖呀！我地唯有慢慢向前行！當轉入小巷時更大塞車！我恐防去到沙灘無位又無抬用！所以我做沖鋒隊去霸位先！我要左穿右插再避開所有前面慢遊人仕！最後到達沙灘！望落去剛剛有一張抬無人坐！只有兩個外藉小朋友坐係玩玩！旁邊更有個小賓賓睇住！我梗係吾放過上前問有無人！真好彩係無人坐！我即刻放晒d袋霸住先！不夠一分鐘即有人問：有無人坐架！明明見到我坐正係度仲要問！之後仲有個仲離譜竟然話你地六個人你要一邊位！另外一邊比佢用！我梗係吾答應佢啦！而家去茶樓飲茶搭抬咩！經過五六個人問我有無人坐！之後佢地五人終於黎到！好彩我快行一步！吾係搵張抬坐下都無呀！
原來佢地去左呀婆買豆腐花舖買外賣比我食！多謝你地呀！大家舖好抬布放好晒野！會長拉我埋一邊傾！個蛋糕幾時拎出黎！我話你同小雲講：不如你扮件《比堅尼》鬆得滯幫手綑緊些！最後用呢個吊虎離山之計呃左小雲行開！我地拿拿林拎個蛋糕同雞亦仲有芒果小布甸出黎擺好！
因為呢個蛋糕係雪糕蛋糕！仲係芝麻味！正呀！你睇小雲巳經偷食呀！
大家食飽飽之後我巳經準備左回禮《dada灰灰靚爆鏡》比兩位女子！
不過要抽中自己名字先可以拿走！最後要抽足五六次先抽中！
回完禮準備落水前！食番個dada超甜西瓜！我同小雲即刻變成西瓜刨！
食食下眼前有個肥嘟嘟外國細路仔經過！你睇佢條低腰褲著得幾yeah！
大家搞掂晒又執好野！準備下水！今次dada玩番上次水底版睇你吾到！而我同小雲因為上次掛住迎新儀式！自己無七一回歸接浪花！今次補番！真係無執輸呀！
其間玩左少型排球賽！只係打左幾下就收檔！改玩男女對猜皇帝！總次輸一個就游過對面！直至輸晒為止！之後罰做對方提出動作！好幸運我地只輸頭一次！而女子隊就連輸左鋪！要跟我地高難度出發！小雲扮海水入眼睇吾清楚要我地重做多次！我都比佢呃到再做一次！下次又到會長睇吾清楚！我地又做多一次！吾知係咪會長見到小雲扮得咁似！咪照扮可也！到第三次小雲再扮海水入眼睇吾清楚要我地做多次！我先發現！不過我地照做！之後佢地都照跟！又做得幾似喎！不過擰pet pet 個動作有d生硬！欠缺柔軟！你地要多多練習！
玩完呢個熱身賽就玩下水上猜波！永遠不足五下！經過多次又打又跌最後都係十下之內！最後有人話不如打過二十下就收手！可能知道完成就走得！個個都好積極係度接波擋波！一向有重搥手的會長都好乖咁輕輕手去接波！經過大家左接右接！竟然接到三十多下！好野走得可以上岸！但呀旦旦好似吾舍得咁！應該未夠喉！佢話：再黎多一次！我地繼續打波！可能之前接得用力得滯！個個手軟腳軟咁！又有人再提出！不如再接多過三十下就真係完場！吾知個個係咪排球女將上身呢？又再次玻紀綠竟然多達四十八下！我地一係吾玩！一積極都好合力！非常犀利呀！好啦！我地合力收拾所有物件！便去沖身梳洗！
個個梳洗完畢！我地便離開沙灘番回市中心食晚餐！途中見到串燒！我地每人各食一串先！不過吾係太掂！肉質麻麻地！吾緊要當小食試下啦！我地繼續行去餐廳！原本選擇左兩間餐廳經過大家商議！最後揀左BB sea view餐廳！
飲杯！！！！！！
我地揀左芝士焗蠔
芝士海鮮炒飯
白汁墨魚汁意粉
炭燒豬仔骨
香草羊肋骨
五成熟牛柳
你睇大家食到幾飽飽！
係時候送禮物時間！今次小雲你就發達啦！
收到超人送-小雲屎屎，小雲公仔！
會長送-香水！dada／旦旦送-芝麻味雪糕蛋糕！
我都吾執輸自製一張生日咭！
睇見你當日都玩得好開心！應該小雲都好滿意！
真係多謝會長，dada，旦旦，超人一齊同小雲慶祝！
希望將來有不同生日會都咁齊人一起去慶祝！
