第四回合《究竟呢樣係乜東東》﹖

你地咪估中左啦！咁微距都估到！

之前玩左三回合鬥快找錯處！大家都好快手！大家都係眼利中人！
而家轉下新玩意先！今次玩《究竟呢樣係乜東東》﹖
遊戲玩法：
開頭會微距影物件某部份俾大家估下！睇下你地估吾估到！
如果估吾到就會拉遠d影！物件就會開始清楚見到！
直至大家估到為止！

好熟口面喎!究竟係乜東東呢??

日本迷你屋

我尋日行行下新都會廣場發現有展覽擺檔！行去睇睇！竟然而家d玩具做到咁鬼迫真！就咁睇張相吾會發覺係玩具！係一盒盒買番屋企油顏色！重係幾十蚊一盒仔！買齊一間迷你屋仔！我唸都幾《和味》！
假如你想買番間！就快手啦！好似去到下個月中咋！係買親手！

第三回合！《最難終極》

經過兩輛測試大家眼力！現在第三回合！《最難終極》吾知今次考吾考到你地呢！
同之前一樣！有十處地方不同！請找出來！我唸又好快找到晒！因為今日係開心星期五！

《《歡迎各位網友踴躍參與》》

各位遲入黎的朋友：由於這個遊戲巳經俾人估中晒！

但你都可以吾睇答案去玩一次！睇下又找到幾多個不同呢﹖

第二回合:睇下邊個快?

中級難度 ! 都係十樣不同 ! 睇下邊個快?

順便估下呢度係邊呢??

各位遲入黎的朋友：由於這個遊戲巳經俾人估中晒！

但你都可以吾睇答案去玩一次！睇下又找到幾多個不同呢﹖

有時間入黎找十樣不同

做到倦倦地 ! 入黎抖一抖 !

睇下邊個夠眼利 ! 找到十處不同 !

各位遲入黎的朋友：由於這個遊戲巳經俾人估中晒！

但你都可以吾睇答案去玩一次！睇下又找到幾多個不同呢﹖

初哥跑全馬

經過上年2006渣打馬拉松賽事之後！因為驚膝頭哥磨擦得多而傷關係！本來跑完半程馬拉松就唸住收手！點知到左07渣打馬拉松報名時間！小雲呀哥無端端打電話俾小雲！話今次10K可以男女一齊跑！同埋可以挑戰自己！自己預測10K完成時間分組！小雲呀哥就報左五點幾最早果場！因為係要一小時內完成！又幾有挑戰性喎！所以我同小雲就考慮跑埋呢次就收手！之前緊係問下魔鬼教練點睇！佢話：你都俾左二佰幾蚊！浪吾浪費d呀！假如係佢就報全馬博一舖！我又唸！咁又係！半馬我地都可以完成到啦！不妨試下最多去到青馬大橋說坐魔鬼巴士番終點喎！所以我同小雲同埋太郎就報全馬！倚！小茜同天神村婆婆又點呀！因為佢地話吾跑咁長！要報10K慢慢跑！我同小雲言出必行就即報了全馬！而太郎因為陪我地上年跑半馬放棄左報全馬機會！所以今年佢同他的同事一齊跑全馬！我地呢d全馬初哥梗係吾好阻住佢地進度啦！所以就兵分四路！第一小雲呀哥10K第一個人跑，第二小茜同婆婆和朋友就10K慢慢跑，第三我同小雲正常全馬跑，第四太郎和同事就全馬極速全馬跑！但操練都係五劍俠一齊去練！當差吾多報左成個月啦！小茜話：佢個朋友話吾跑得！小茜同村婆婆想跟我地改為跑全馬！我地梗係歡迎啦！因為我同小雲係無唸住2007年跑馬拉松！所以之前半年從無練習過所以有d生疏！我地只得半年去操練！今次同上年操練地方不變！一個星期兩次練跑！練呀。。練呀。。咁又練左半年啦！

4-3-07星期日可能好多人重搵緊周公子(即係周公)，我地巳經又到左尖咀地鐵站，之後等齊人一起出發！開頭約左太郎係中間道等埋一齊起步！之後影完相各有各跑！點知等左好耐都吾見！唯有行到起點處企定定一路拉筋一路等啦！都拉左成十五分鐘重未見到佢影蹤！如果有緣就係青馬大橋見！

就趁未跑得影張合照相先！離開起步時間都差吾多啦！好啦！開始跑啦！我地的目標《青馬大橋》如果大家有氣力就可以繼續跑埋去！可能今次係全馬啦！起步吾駛慢行一佰米先到計時地毯！大家都跑得好快咁！而我地呢d全馬初哥緊係用番自己步速去跑！吾好跟住人跑！吾係就好快會無晒氣力架！有上次經驗今次吾駛去廁所啦！可以一齊跑吾駛分開跑！

跑左無幾耐見到全馬賽事最年長的葉伯！佢真係勁過好多後生仔！年年都參加！繼續努力呀葉伯！

再跑跑下發現前面有一對鯊魚男女！佢地應該係關心環保行動！不過好佩服佢地天氣咁熱重要著成咁！重要跑得咁快！

之後我地再跑多一陣有個不知好歹的太郎無端端係後面出現！原來佢地遲到！所以排到好後！我地同佢一路跑一路影影完合照之後！佢就一支箭追番上前面搵番自己隊友！

而我地梗係用自己步速繼續跑！繼續影！又係照樣經過半馬的跑道！

但去到半馬折返點就不需轉彎而係直跑去葵涌方向！

而全馬係有兩條隧道過的！我地更不放過係長青隧道影番張合照啦！

在隧道中見到全馬大軍跑完青馬橋同汀九橋開始回程過隧道向終點進發啦！我地梗係重有排跑啦！

我地過了隧道之後跑了一陣就遠望到青馬大橋啦！但途中又開始有微雨！但不會影響跑步進度！因為小茜同天神村婆婆巳經很倦！不能再跑下去！所以我們就當青馬大橋做終點！

我地去到青馬橋時跑了一陣就見到太郎同埋他的同事！真係在我們預計時間見到他們！又幫他們影完相之後他們又走左了！

還掂都影開相索性都同自己影張大合照！好似去旅行咁樣！不斷影相，之後我影完相再跑多1km就跑完2007渣打馬拉松初哥全馬賽事！

最後我地坐魔鬼巴士回終點等太郎！雖然今次係完成吾到全程馬拉松！但對於一個初哥去跑全馬可以去到呢度！都算值得一讚！可能今次有上年經驗心情無咁緊張！無咁辛苦！反而可以幾輕鬆跑今次賽事！

第一次跑馬拉松

每逢新年期間！都會係電視機睇到新春發財跑！成日都想去趁熱鬧去睇下影下相！
當認識了太子威之後！成日見佢去練跑！都吾知為乜﹖當發現他為左參加馬拉松而去練跑！我先明白晒！
係上兩年我地就跟佢一齊去跑步！原來跑步都有好多事前準備！第一緊係買番件透氣快乾背心！因為我大汗，
之後梗係再買對夠輕又防震的跑鞋！吾好求其一對鞋就算！吾係就好易跑傷腳！
裝備搞店好就要找場地！第一次去試跑我地選擇左去維多利亞公園，因為練跑人好多都係港島區工作！
今次都係小吉，小雲，太郎，小茜同埋天神村婆婆一齊去練！
首先大家要做十至十五分鐘熱身！重要由頭做到腳添！如果無做！第二日你就知味！
但天神村婆婆次次都好求其做兩三下就話得！但又無見佢之後叫痛﹖﹖
第一次我地預計沿住公園跑五個圈！點知可能咁多年都未跑過長跑！
所以第一個圈巳經條氣頂住頂住！好彩魔鬼教太郎話：開頭吾好咁快！慢慢跑！所以第二個圈就好好多啦！
最後我地只係跑左四個圈就收工！因為驚明天行吾到路！之後就每個星期都會練跑一次！
去到渣打馬拉松公開報名！10K馬拉松要男女分開時間跑！所以我地就報左21K半程馬拉松！
死火開頭唸住跑10K應該無問題！而家半馬就要再加把勁！一星期兩次！
所以操練地方有：維園，跑馬地馬場，荔枝角運動場，界限街跑馬路！不過我最鐘意界限街跑馬路！可能跑馬路無咁悶啦！

苦練差不多一年終於到左2006年2月12日啦！我地照樣IQ博士五虎將加埋小雲呀哥！
天未光巳經要出門！係地鐵站等車巳經見到好多著晒渣打馬拉松運動戰衣！
到尖沙咀站我唸全車有九成人落左車！個個人同一方向行！好似行年宵一樣！
之後我地行埋一邊換衫！果時都凍凍地！好多人都只著背心短褲！好似夏天咁！
不過我怕凍所以我著長袖衫短褲！趁個身重暖暖地就即刻跑去收集物件貨車放低野！
然後拿拿林熱身拉筋！搞店晒！去埋廁所就準備行去起步，
我地巳經早d行去起步位，點知一轉去彌敦道就見到龍尾！驟眼睇離開龍頭至小一佰米有多！

我地例牌又影下相留念！

我地係人群中慢跑！跑到老麥附近有兩個人走左去買野食！梗吾係啦！九成九都係去廁所啦！
我地繼續跑轉入童軍會果條馬路！跑到近擎天半島附近！可能第一次參加啦！竟然跑跑下又想去廁所真係激死！

太郎，小茜同埋天神村婆婆吾想浪費左時間！佢地話慢慢跑住等！
我就用極快速度搞店佢！之後我地三人就拿拿林跑快幾步追上去！
心唸！最多咪奧運站就可以匯合！點知過晒都未見到！唯有一路跑一路搵啦！

跑呀跑呀！竟然見到視力有問題果位外國選手！佢地跑得真係好快！原來佢地巳經過左折返點跑去西隧方向！
我地即加多兩錢肉緊跑快d去折返點！

又跑呀跑呀！終於到折返點啦！即係我地跑左一半啦！好開心！
沿途一路都不見佢地蹤影！之後我地係折返點過左計時紅地毯之後！就望住海景繼續跑！跑左一陣就見到同學仔King Sir！佢都好勁一路影一路跑！都跑快我地咁多！同佢合照完我地就跑先！不過佢好快又追頭！係田總訓練過真係吾同d！

我地繼續跑，中途見到全馬大軍殺到！一直跑去青馬！而我地同佢地打完再繼續跑！好快就到西隧呀！

到左西隧無理由吾影番張相留念呀！條隧道開頭就落斜之後大上斜！其實都幾螺人條命！不過慢慢跑又吾係太覺喎！可能之前操練時跑馬路都有跑斜路啦！

谷完西隧之後心又唸：好快就到會展終點！點知原來好戲在後頭！前面又有一條上大斜的天橋！我地唯有慢慢行咁上天橋！

過了天橋就見到港澳碼頭！我知一直跑就好快到終點！沿途又上又落真係幾辛苦下！路旁都見好多人買老抽(即係抽筋)要救護人員醫治！

上埋前面呢條斜路之後就好容易到會展啦！我個心突然興奮想快速咁跑跑到終點！但心唸！臨尾香好吾抵架！所以我地繼續均速跑去終點！

我地用左二小時三十分完成半程馬拉松！唸都唸吾到！原來我都做得到！