不如整番個行山野餐加放風箏一日遊！
我地揀左放風箏好合適的大坳門！
因為大坳門又可放風箏之如更可以行山同野餐添！
更吾少得有靚靚風景比我地大影特影！
就十一月二十五日(星期日)出發！
今次就約左舊同事兼堆沙拍檔一齊去玩！
約好九點半係地鐵站等之後去荷里活廣場食個早餐先出發！
食飽飽後就行去超級廣場買野餐食物！
之後到荷里活廣場隔離巴士總站撘91號巴士到大坳門！
12:00終於到左大坳門車站
行一陣就見到一個指示牌！一邊係龍蝦灣燒烤場另一邊係大坑燉燒烤場！
我地一早選擇了先到清水灣郊野公園之後逆時針繞島而行！所以行大坑燉果邊！
好出發！先先要行一條微斜的馬路！大約十五分鐘到清水灣郊野公園！
到左之後知道果度有個樹木研習徑就入去睇睇兼影下相！
點知入到去見吾到什麼特別《花草樹木》！所以行左個圈仔就出番黎！
樹木研習徑出口處行前少少見到風箏場！
13:00未上到去巳經見到成天都係風箏！我地拿拿林搵個位整好隻風箏先！
搞掂晒！就急不及待放飛機！因為果日好好風！一放就成功升空！玩得好好地有個肥仔係度倒亂檔！都吾知佢識吾識放風箏架！竟然係我地面前起妖！之後又周圍咁走！最後就俾呢個肥仔隻風箏繞埋一齊！仲比佢界爛左隻風箏啦！好彩隻風箏無跌落海！吾係實鬧爆佢！好彩又有帶膠紙黎修補！吾係又多隻忘魂妖棄屍垃圾箱！係修補期間條肥仔仲笑笑口咁望住我地修補喎！一句吾好意思都無！真係不知所謂！好彩我隻風箏傷勢不大！修補後可以再次升空！我們驚左呢條友仔所以行前d避左佢！呢條友仔吾知係專登定係無意！又過左一陣間！今次竟然三一萬能俠！吾止我地重加埋另外哥哥仔！正想係空中解線之際！呢條粉腸竟然係度《索線》！我驚又比佢界斷條線！真係唸都吾唸！一手執住晒三條線之後慢慢解！你地認住<箭咀>呢條肥仔呀！下次見到佢小心呀！最後解好三條線後！各人繼續玩番自己隻風箏！睇番肥仔原來佢果隻墜左機！抵死！害人終害己！
之後玩到14:00我地收工執野去野餐！小雲先去搵位！之後我地執好野再去搵佢！原來佢霸到張有抬有登又有樹陰的地方！正呀！我地急急走去開抬食飯！
今次野餐有《豬屎腸芝士熱狗，雞亦，叉燒，無核提子，雪梨，再加埋健康飲品！》當我唸住影相之際！盒叉燒巳經得番三份一！真係大食！哈哈！我都有份！個個食到飽飽之際！食淨個水晶梨番番中途解渴用！之後我唸住影下支健康飲品！
點之影下影下！又影左呢d相！一支水都可以玩餐飽！
吾止咁少架！係太多無放上網咋！
食到15:00個個飲飽食醉又開始真正行山旅程喇！
一開始就要上山啦！都吾知幾多級樓梯！好彩沿途背後風景十分靚！得閒影下相，講下笑！好彩臨上山前執到一支幾好的樹枝！令到小雲上山頂可當作行山拐杖用！我覺得十分有用！我再執到一支好似膝條樹枝！雖然不可當拐杖用！當拍揮桿都好幾好玩！
植物篇
我手中的<膝條>就係呢條樹枝咁樣
自動甩皮！
16:00咁又上左山頂！呢度叫做《大嶺桐》！我地梗吾會放過山頂風光！兩個人不段影！都吾知影得幾開心呀！
上到山頂無理由吾影下相呀
16:25開始落山啦！我地中途仲有個雪梨解渴！次次食都好滋味！好過飲水！
在沿途都有很多奇形怪狀的石頭！
係16:50見到金字塔啦！仲有一舊中間可以訓到一個人！即係箭咀位置！有人仲舖左木板當床！行行下個天開始黑啦！我地要行快幾步啦！跨過最後山頭遠望見到龍蝦灣！係平地仲見到有人放風箏添！因為之前係大坑燉燒烤場果個風箏場太多人！小雲驚佢的心愛比人界落海！所以沒有拿出來玩！等去到龍蝦灣先放！我地又急急腳再行快些！
上山容易落山難
17:25我地到左龍蝦灣燒烤場！之後坐左一陣抖抖！因為頭先全部落山大石級！真係行得很倦！真係上山容易落山難！休息左一會便拿拿林行去風箏場！眼見又一條上斜的樓梯！個個好似吾想上的感覺！我再望下個天！都開始微黑！所以我同佢地講！如果上左去放風箏一陣會幾難落番黎！因為無街燈！最後我地趁個天仲有少少光行去龍蝦灣入口走人！
到左入口巳經17:40啦！
我地沿著馬路行番出大坳門會經過由石刻->大坑口->茅莆->大坳門
去到大坳門完成整個行程就到左1815喇！
我們坐專線小巴到觀塘apm食晚餐只係19:45幾快有得食呀！我地最後選擇圖中的餐廳！估吾到又幾好味！除左個飯無乜味之外！其它都好滿意！雖然今次係行得幾倦！不過又野餐，又放風箏，又影相。。。真係幾充實！
