牛棚藝術村

星期日！趁個天又吾落得咁大雨！
我地去左土瓜灣馬頭角道六十三號，《牛棚藝術村》參觀！

點解我地會去呢度參觀呢！因為Beyond家駒離開左我地巳經十五年啦！
所以牛棚藝術村搞左一個舊日的足跡別了家駒十五載的展覽！

好彩到土瓜灣巳經停左雨！入到村就見到一條人龍！
我唸都吾唸下就走左去排隊先！費事一陣落雨咪仲慘！
入左去參觀先算！真好運排左一陣！展覽館巳經可以放人入去參觀！
不過每次只得十五分鐘！都好既！可以控制人流！
入到去巳經聽到他唱的歌曲！而右轉就放左幾支家駒用過的結他！
有兩支更係演唱會出現過！

參觀完右手面再轉去左手面！就見到一套擴音機同埋喇叭！
旁邊更放左一套鼓！吾知世榮有無打過呢？

再行前見到一面牆貼滿Beyond的多年相片！我地梗係吾會放過呢個機會！

因為實在太多張！不能放上黎俾大家睇！不過我最鐘意呢張！

同埋家駒細過時原來係咁樣！同大過的他都好似！

大家分頭影相！呢度影下果度影下！好快過左十五分鐘！
係離開前見到一個小型家駒的手辦模型！我覺得都做得好似呀！

出左家駒十五載的展覽館後！我地繼續去參觀牛棚藝術村！

村內都放左好多人的展覽品！我地一定吾會放呢個影相的機會！
你睇小雲俾隻怪手捉住呀！

同埋呢個BB仔！你地覺得佢係喊緊定係放緊《蚊》呢？

呢度更放左幾個關於四川災難的彫像！好似呢座係一個母親比磚瓦壓住！
都會繼續保護他的嬰兒飼奶給他！表現出母愛精神！

呢個不關於四川災難的彫像！但我都很喜歡呢座彫像！
因為加上天雨灑在他的身上！令我感覺到在天時暑熱！
父親抱著兒子流著汗動也不動的感覺！

反而呢座彫像！剛好雨點流在她的面上！令我感覺到一陣悲傷感覺！

而呢個特別之處亦係雨點咁岩滴在她的面上！令人覺得出汗的感覺！

如果沒有雨水！我又有另一睇法！你地又看到呢幾座彫像有什麼感覺呢？
好似呢座！可能我比較高大！可以影到由高處的畫面！
好似呢張就有飛翔的感覺！反而係低處影就看不到呢種感覺！
只看到一個跳舞的女子！

最後比兩張你地估下我想影d乜？同埋估下我的感覺係乜？

瘋瘋狂狂食壽司

嘩！一個人食咁多件壽司！都吾知幾爽呀！
原來《圓汽》用｛升剪｝信用咭有八五折！我地尋晚就去試下！
尋晚我同小雲約左會長出黎開會！
好好彩我地可以坐到最入！
你地都知啦！好似上次咁七個人係咁倚傾下計都嘈到成車都知！
今次都吾例外啦！
今次我有幾款壽司係未食過的！又真係又幾好味播！
除左食野之外我地順便傾下七一有乜遊戲玩！
會長話為左大家係七一有歡樂！所以佢都係負責"時運高你睇我唔到"
最後我地三人嘻嘻哈哈！傾下傾下就傾到成十一點鐘啦！
真係快樂不知時日過！所以下次就要早d出黎呀！可以傾耐d！

痴痴呆呆開Blog一週年慶祝

首先多謝上天獻我們一個沒有落雨的星期日！可以同blog友一齊共渡一週年慶祝！其實今次聚會係小雲開blog一週年！咁我都係遲佢一至兩星期！都算《Mount車邊一週年慶祝》

今次有七個blog友一齊去慶祝！有《小雲，小吉，dada，悶蛋，超人，灰姑娘，babyfai》大家準時係集合地點等！因為都未見過大家個樣！所以唸到一個好方法識別大家身份！就係自己的卡通公仔衫！齊晒人就柴娃娃一齊去左灰姑娘屋企買少少野！買完就正式起程！

我地就坐91號巴士直達清水灣的大坳門！上到巴士我地坐下層！可能我地七個人有七把口！你一句我一句近車尾位就特別嘈！所以就無人敢坐！各位坐我地附近巴士乘客真係《吾好意思》呀！大家嘻嘻哈哈左大約半粒鐘車程！轉眼間就到大坳門站喇！再行左十五至廿分鐘之後便到達大坳門風箏場！

大家見太陽伯伯係雲同雲之間係度偷看我們！影番張大合照先！

個個就拿拿林將手上的風箏整好隨隨放上天！最快放到上天的風箏好似係dada同悶蛋果隻！之後就係小雲果隻喇！灰姑娘見我地個個玩得咁開心就拿拿林落去小食亭買番隻風箏！正當灰姑娘落去買風箏之際我果隻都成功升空！仲有超人未得喎！佢好用心去放！但都係上吾到！只係低飛！個個blog友為他打氣！我見佢有困難！就收番隻風箏埋黎幫下佢手！正當幫手之際灰姑娘就番來！佢用左極短時間都將風箏飛上天上！《又話未玩過！又可以放得咁快上天！係咪你星期六去左練習呀？》大家有無見過人放風箏坐係度玩！《又懶又貪玩！真係名乎其名！｛懶玩精｝有無改錯名呀會長》之後好彩我都幫超人風箏成功放到上高空！

你睇天空有四隻風箏係天空自由飛翔！大家估下邊隻係邊個放呢？

放到倦倦地！又無乜風！趁呢個機會抖一抖！食下小雲整的甜品！

食完甜品再玩多陣風箏！今次個個都可以成功放到上天！現在離開放風箏完場時間總有十五分鐘！請執拾自己的物件！移置到山下的野餐區！準備一週年大食會！你地睇幾多美味食品等緊大家！吾駛客氣！可以起筷喇！隨便當自己屋企得架喇！

小雲：越式凍春卷

小吉：三色涼伴

dada：日式冷麵+烏冬

悶蛋：蛋碎及吞拿魚芝士三文治

超人：香辣豬仔脾

babyfai：花雕話梅雞翼

灰姑娘：私房菜《即燒燒鵝》

你睇下個個未食巳經樹起手指公叫好呀！《《正！正！》》

同場加影babyfai為小雲做左一週年蛋糕

同埋dada滋潤栗米水

各人都著左卡通公仔衫！你睇幾靚呀！

呢張相片由babyfai提供

食到飽飽啦！趁個天仲係好靚！就影番張大合照先！今次個個無戴面具真面目見人！

一人一個《小雲同小吉的小禮物仔》小小意思不成敬意！

影完相之後！超人係個袋入面拿左每人一支懷舊吹波仔！大家都玩得好開心！
之後玩玩下又將個波波變左數字球！真係吾記得點解會變左呢？呢個一係吾玩，一玩就《個個都顛左！》最後個波飛左上樹落吾番黎！無得玩添！
趁呢個機會大家抖抖！因為個個都索晒氣！就玩番個斯文d遊戲！玩啤牌《非洲話事啤！》
可能之前數字球大家玩顛左！所以非洲話事啤每個人講出罰人方法都好利害！你睇《灰姑娘要上個石抬上擺出一個至型的姿勢比我地影相》

見個天開始黑黑地！所以我地就開始收拾！準備離開去市區食晚飯！我地就坐巴士去鑽石山！今次醒目我地坐晒去車尾！吾會好似去程時嘈親d乘客！但我地係坐車尾！但大家傾番頭先放風箏同野餐時的趣事！都會將笑聲報滿車箱每個角落！好快就去到鑽石山菏里活廣場喇！

可能中午佢地見到咁多美食！就食得好滿足！佢地話求其食d野同埋飲杯野！但最重要係可以坐耐些！大家有三個選擇！必Ｘ客，Ｘ綠，仙Ｘ岩！先先去必Ｘ客同Ｘ綠拿左等候飛！兩間都要等廿張大抬飛！之後就去仙Ｘ岩睇下有無位！去到門口見到大把位剩！我便拿拿林帶佢地落下層！而小雲就去坐低先！人齊晒！各人都睇下有乜野食！點知睇左好耐都選擇吾到！唯一方法《猜包剪鎚》輸左果個就去睇下必Ｘ客到未！

第一次！悶蛋好有風度幫dada落去睇！而第二次！超人更有風度幫兩位女子落去睇！好彩！仲有一兩個號碼就到我地！我地梗係扮晒無晒食離開仙Ｘ岩！吾怪之得仙Ｘ岩無人幫襯啦！原來個個都係學晒我地咁！睇完餐牌就轉身走人！真係要同《仙Ｘ岩》講聲吾好意思呀！

最後我地七人去左必Ｘ客食樓樓豬屎薄餅！食下食下傾下傾下！咁就十點鐘啦！

今次小雲第一次同版友聚會都算感謝上天不落雨！仲帶給少少陽光！令到各位參加者得到歡樂！希望將來會有更多聚會同各版友一齊歡天喜地！

 如想睇更多既相片, 可到以下小雲既網誌