小吉生日~威少型姐慶祝篇

九月二十日威少型姐約我同小雲去九龍城黃珍珍慶祝生日!

同場仲有幫妮一齊慶祝生日!好彩我地有五個人可以坐圓形卡位!

黎到黃珍珍無理由吾叫咖哩蟹呀!個咖哩辣辣地好好味!

用蒜容包點汁就無得彈!但呢度無蒜容包只得豬仔包!

再來一個馬拉盞炒通菜

仲有一個吾記得名的炒飯

之後再來日式燒墨魚!仲你切片原隻上!又幾好味!

之後叫左雜錦拼盤!一上檯個個搶住食蝦片!

黃咖哩雞d汁稀左d但辣味依然好夠味!

你睇五個人食就叫左咁多樣野食!

食飽飽之後!同場加映[芒果芝士蛋糕]

多謝威少型姐同埋小雲同我慶祝生日

小吉生日~會長慶祝篇

今日係我第一次同blog友慶祝生日呀!好榮幸會長同小雲一齊慶祝生日呀!

原本佢地係唸住去打邊爐勁食海鮮架!點知晨咁早去到舖頭都無細檯比到我地!

我地又左滕右滕周圍去搵位!可能個個都知要早早去霸位!

d伙記又叫我地同其他一齊搭檯!你知我地都幾鬼嘈架!又想自己三個人霸張細檯可以慢慢食慢慢傾下計!我地見其他人無個有意欲想埋單!我地唯有走人去第二度慶祝過!

最後小雲同會長商議就去大角咀金船長餐廳慶祝!

先先黎個挪威三文魚鮮果沙律食下先!

同埋之前我地都講過要試下超級牛肉芝士漢堡包呀!就趁呢個機會試下

個超級牛肉芝士漢堡包舊牛肉扒都幾厚仲有小小肉汁

除左漢堡包仲連埋薯條添

之後再叫左個至尊pizza呀!我當pizza係生日蛋糕切!

個至尊pizza上面都好多芝士呀!

再來一個小食併盤歎下!有{蜜糖雞亦,洋蔥圈,咖哩角,同埋魚手指}

最後我地叫多個車仔意粉!下…車仔意粉!吾係車仔麵呀!

車仔意粉係自選意粉同埋配料仲有調味料架!好似車仔麵可以左揀右揀咁!

我呢碟係墨汁意粉加大大隻蝦同埋魷魚!

最後因為我地要20:30埋單走人!所以我地三個快快手食完!仲有時間坐下傾下計添!
會長仲送左一對靓靓沙灘拖鞋比我!多謝會長!