台北自由行之旅(第二日)

我地尋日又浸溫泉又食大餐!
今日又開始精彩台北之旅第二日呀!
一早我地食番個似韓式既早餐呀!
不過我就食晒成個餐!但小雲就一啖都無食過!
食番自助早餐!蛋糕加咖啡!
我地食完早餐就執行李走人!

趁Check out前我地再入溫泉區影下相!
尋晚係呢度偷影溫泉區!比Blog友話((呢度好鬼異呀...))
而家日頭影係咪又吾同晒呀!

原來日頭又吾同感覺喎!
可以望住個靚靚山景浸溫泉!
又另一番風味架!!

尋晚無影男湯屋入口處!
今日影番個男湯屋入口處比大家睇下!

影完溫泉相之後!我地離開八煙溫泉會館區!
之後再搭公車去陽明山公園!
因為今日係陽明山花季!
我地就去賞下櫻花同埋影下櫻花靚靚相!

呢度d人好識享受!係個涼亭度一路食一路賞花!

沿途都見到好多街邊檔!
我地仲買埋地瓜餅一路行一路食!
趣卜卜又真係好好味喎!

去到花鐘附近就見到好多靚靚櫻花!

即刻搵人影番張合照先!

去到廣場有活動表演但我地無去睇!
我地去左其他地方影相!

去到花鐘我開心到飛起添呀!

參觀完陽明山花季之後!順便去埋大屯瀑布先!

之後我地搭(小九)公車到北投!
呢度係凱達格蘭文化館出面有排欄杆!!
你睇連欄杆都整得咁靚!做型好得意!

我地去到溫泉博物館呀!!
入場要除鞋!有拖鞋供應比大家著!

呢度有個好大個房!有一家大細坐係度休息!
甚至左面有個外國人訓左係度休息添!

我地都吾放過係度影餐飽呀!!

影完溫泉博物館都16:45我地重要急急腳去地熱谷呀!
因為地熱谷17:00關門!所以我地要好急咁去參觀!

未入到去巳經感覺到熱氣升上黎!

真係好熱呀!!如果有雪糕食就非常好呀!

我地用極速去周圍影!影影下就有職員清場趕人!
最後都吾理搵人影番張合照先!

原本我地參觀完地熱谷會再搭捷運新北投到淡水睇日落
但因為我地今日參觀左成日!所以聰明既導遊提左個好好意見!
導遊為免領隊太辛苦所以取消左去淡水睇日落行程!
即改為番酒店放低重重行李!

係返酒店前先去滿來溫泉拉麵食番個拉麵先!
不過呢間拉麵店好多要求!吾比揀位又吾比影相!!
所以無得影下個拉麵樣呀!

食飽飽後回酒店時路經見到好多人係溫泉河浸緊腳呀!
還掂對腳都倦倦地!就落去浸埋一份喎!
嘩!呢度d溫泉水都仲好熱架!同埋水流都幾急下!
如果大家想學我地咁就要小心d呀!

我地天光浸到天黑!

浸完免費溫泉後!我地即刻到新北投站返酒店呀!
列車身畫晒溫泉公仔!好特別!

入埋車廂仲有個木筒係度!你地係港鐵見過未呀?

番到台北花園酒店呀!我地間房升級為(精緻套房)呀!!幾正!!

間房真係幾大間呀!又大班櫈仲有貴妃櫈添呀!

因為之前食左碗溫泉拉麵仲飽!吾係太肚餓!
所以我地去左度小月食少少野!

酸甜肉圓!好惹味好醒神!小雲最鐘意!

件件蝦捲都有隻蝦係入面!好好味!

櫻花蝦高麗菜!大碟到差d食吾晒!

度小月擔擔麵同肉燥飯, 真係無乜特別!香港好似好味d呀!

咁樣又完成第二日的行程!
大家繼續留意第三日!都會好快出架啦!
你地比心機留多d言呀!!

如想更清楚及詳細知道第二日行程(請到)
台北自己遊 Day 2 (Part 1)
台北自己遊 Day 2 (Part 2)