台北自由行之旅(第一日)

好野!我地2010年有得去旅行呀!
我地今次就去台北玩番五日先得!
未出發先緊張!竟然之前果晚訓吾著!
成點鐘仲係眼光光!聽朝仲要五點起身呀!
好不容易先訓著了!每次旅行前一日必定的事!
我們今次搭港龍08:15機!所以我們天未光就要出發!
好啦!!到左5/2/2010霎晨05:55去到港鐵站!
港鐵都未開大門!我地等左一陣就開門!
原來都好多人天未光就等開門搭港鐵!
經過幾輪轉車終於到了機場快線!
小雲的新喼落地呀!睇下幾靚!

到左機場之後!放低個大唸去寄倉之後!
即刻搵老麥歎番個早晨全餐先!
落到下層搵吾到老麥既?原來執左呀!
最後我地幫襯左美心!
估吾到係機場食早餐都食到熱辣辣既!!

上左飛機之後慢慢行去座位!我地吾駛坐機尾!
我地可以坐中間偏前位置呀!

起完機可以除安全帶之後!我地玩下自拍先!
玩玩下有個空中少爺好主動幫我地影合照!佢都好細心喎!

今程短短個零鐘機程都遇到好多靚靚的小雲!

好快趣!剛剛好09:55就到達台灣桃園機場!

未入境前記得去唱定台幣呀!吾係出面會無咁抵!
唱完台幣又吾駛排隊就可以好順利入境!
大家睇下個機場真係無乜人架!得兩三個人咋!

我地離開機場就拿拿林坐國光到台北車站
再轉搭捷運去小南門的台北花園大酒店!
先寄存大件行李係酒店!再?左第二日既衫褲便走人!
因為我地今晚會住溫泉酒店歎一晚!

之後我地即刻去西門町醫下肚先!
未食野前買杯野飲先!
我買左梅果綠茶!小雲就買左珍珠奶茶!
大大杯幾抵飲!