台北自由行之旅(第四日)

我地巳經去到第四天呀!
過埋聽日就要回程番香港呀!
講番今日行程先!
一早食番個飽飽早餐先呀!

因為今日係元宵節!我地要去一個地方!
所以我地一早就要去台北車站!
我第一次去台北車站時覺得好似一個大型商場!

去到台北車站我地要搭火車去瑞芳
原本諗住搭自強號架!點知滿坐呀!
最後我地改搭區間車出發!

因為元宵節十分會舉行平溪天燈節!
所以我地一陣就搭呢種平溪天燈節的小火車呀!

去到瑞芳先買平溪一日遊的車票呀!
方便我地周圍咁去其他的站呀!

我地搭完小火車到十分車站!

行行下見到舖頭有好多人係度蓋印仔!
原來係有十分特式的印比我地蓋印留念!

門口仲有個站長公仔比大家影相!

舖頭出面條火車軌都好多人行來行去!

行多兩間舖頭見到有間賣祈福木板明信片!
可以蓋印仔寫祝福語之後可以寄番香港!

之後我地落火車軌繼續行!
見到好多人放天燈!不過日頭放又無乜氣氛!
等夜晚先有番d氣氛架!

火車軌旁有好多吾同舖頭!

除左小雲百厭企係火車軌影相!
連後面踩緊單車友都落車影相呀!

行行下見肚仔餓就幫襯下鐵板麵同埋甜不辣小食!

食飽後就行去十分廣場去拎今晚放天燈的入場飛先!
我地貪心拎定頭尾幾場的放天入場票!
拎完票趁天光影定個大門口先!

之後我地趁早去參觀左十分瀑布!
沿途見到火車軌我都百厭影番張相先!

入去十分瀑布要先經過一條搖搖下的吊橋!
連我都企吾隱!因為搖得好勁呀!

去到瀑布入口要買票先可參觀!
我地去瀑布上游影下相再到瀑布正面影張合照!

影完瀑布之後出口附近咁岩有火車經過!
火車軌的人四圍搵位影相!

我地離開十分去平溪之前!
我地去試下d街頭小食!
另外食杯軟雪糕再加個燒花枝!

去到平溪見到一條又高的火車橋!
呢條天橋火車軌咁高咁危險都咁多人行!!
服左佢地呀!!佢地吾怕危險咩??

呢間豆腐花舖排左好多人!我地緊吾放過呀!

成條食街一入夜都著晒燈籠好靚好有氣氛呀!!

呢度都有人放天燈呀!仲要加埋爆竹添!
你睇幾靚呀!!

沿途又見到有舖頭有好多蓋印仔比大家蓋印呀!

我地搭火車番回十分!見到成街都係人!
慘呀!!好塞人呀!我地要趕時間去放第六波天燈呀!
好彩時間仲早!咁我地繼續慢慢行繼續塞人!
足足行左成個鐘先離開人群!
我地即急急腳走到放天燈場地!
去到場地我地巳經遲左一步呀!第六波已經放左喇!!
工作人員叫我去排第八波!
當等候入場時剛剛好放第七場呀!
你地估下{箭咀}呢個係邊個呢??

呢位人兄寫完祝福語就即刻一齊放呀!

到我們入場喇!我地等派天燈時台上面棒棒堂剛剛表演梗!

係未放之前我地搵放天燈的工作人員小朋友幫我地影張合照先!

呢個小朋友就係我地的助手呀!!

我地係天燈寫完祝福語之後!
工作人員又幫我地點埋火!我地要用腳踩實煲一陣熱空氣!
儲夠熱空氣就準備就緒!

台上司儀講:一 二  三 全部人一齊放手將天燈放上天!!
嘩!!成天都係天燈呀!
我第一次放天燈仲要二百人一齊放呀!!好難忘呀!!

我地離開放天燈廣場時!見到路旁的小檔口有些人一齊放大天燈!

入果時又塞人!走果時又塞人!吾知又要塞幾耐先出到去呢?
最後我們見到塞成咁!我地偷雞行上小路轉行去食街!
係小路望番落去見到真係好多人架!

我地行番入食街時!見到有人賣餃子!
我地可以等火車時一路等一路食呀!

去到火車站巳經塞人塞到爆呀!
我地就企係火站等左一個鐘頭有多!
好彩火車黎到時!火車上車位剛剛好係我地面前!真係好彩!
去到瑞芳時又有一班加班車!好野係自強號呀!
可以坐得舒舒服服番台北站!正呀!
同埋最開心係我地竟然可以搭到00:30捷運去西門站!吾駛飛的呀!

之後我地係西門站買左個杯麵番酒店食!
我地由西門站買完野慢慢行番酒店都都吾覺得倦呀!
你睇下!!呢兩個杯麵就係我地的宵夜呀!嘻嘻!!

咁樣又完成第四日的行程!
大家繼續留意第了五日!都會好快出架啦!
你地比心機留多d言呀!!

如想更清楚及詳細知道第四日行程(請到)
台北自己遊 Day 4 (Part 1)
台北自己遊 Day 4 (Part 2)