三日兩夜第一次灣仔露營之旅

港島線灣仔就去得多!!
西貢灣仔營地我地就係第一次去!!
一於係六四有假期就去灣仔玩番轉!!
我地晨咁早食完早餐即行去鑽石山巴士總站搭巴士!!
點知搭92號巴士一上車即比巴士司機阻止吾比上車!!
吾係呀!! 一個大袋都吾比我上!! 一般人咩超大背包都可以上啦!!
而家又吾係特別大個袋!! 何況咁早都無人坐車!!點會阻住乘客呢??
擺明蝦我新仔啦!! 我無同佢勞氣我用軟功對佢!!
一次啦！一次啦！吾會有下次!!
而小雲 : 我特登搭車黎轉車入西貢，你唔比我上，我無車搭架喇!
好彩佢都無繼續難為我地都上左車!!
去到西貢見到有94號巴士!!即用九秘九跑上車!!
去到黃石碼頭已11:10只好搭11:40果班啦!!
行到碼頭見到好多大飛!! 問下價包一隻要百三蚊!!
還店吾趕等多陣大船都到啦!! 仲係十五蚊一位!!

坐左一陣好快到灣仔!!  mimi姐仲黎到碼頭接我地添呀!! 吾該晒!!
我地選擇南營尾處札營!! 拿拿聲起完營就可以歎世界呀!!
好彩小雲夠細心一早係屋企整定涷冰冰冷麵食!!
簡直大氣天時歎個冷麵!! 小雲同小吉都好掂!!

食飽飽無野做周圍行睇下野!! 行到太陽無咁曬我地就落水玩陣!!

呢D青海膽係我和小雲係沙灘邊拾架!! 我地影完相就放番落海!!

因為洗手間修理中，只得兩間個個都要企係門口等沖涼!!

之後沖完涼我地番營準備晚餐!!第一次係四周無街燈環境煮飯仔!!

我由營幕去洗野地方都漆黑一片要用頭燈先睇到路咋!!

先先飲番碗冬瓜酸辣湯又消暑又醒胃!!
雖然一路食一路流汗但係都好正!!
件件小籠包都仲有湯係入面!! 又唸起台北小籠包添!!
之後仲有大蔥爆羊肉夾銀絲卷食兩個岩岩好!! d大蔥好香口但係少左d汁!!
最後食埋mimi親手釣的魚好味呀!! 下次我又要去釣魚!! 有魚加餸!!
飯後食多個冰凍啫哩好有荔枝味合埋眼慢慢啜真係好似食緊荔枝咁!!

大氣天時係營入面無把風扇歎下!! 好快又流汗兼無覺好訓!!
好醒目帶左一人一風扇!! 包保有訓好訓!!
但半夜比怪聲嘈醒!! 原來井底有隻青蛙!!

第二日天色幾好!! 陽光普照!!
第一夜真係比隻肥蛙嘈左成晚!!
我都好遲先訓得著!! 好彩吾係玩一晚就走吾係......
早餐我地搬左間酒樓去露營呀!!
有燒賣，牛肉，燸米雞同埋我的至愛蒸粉果!!
同場加影阿媽靚粽!! 加多杯中國荼!! 爽呀!!
仲要一邊食一邊睇吹水同鄉會呀!!
食得七七八八時mimi私人醒煲mimi靚湯比我地飲!!
好夠蟹味!! 正呀!! 再次多謝哂mimi姐!!

網上睇過去灣仔露營多人到嘔架!!
可能端午節個個番歸做節所以少左好多人!!
連灣仔西營都係得果幾個營!!
我反而覺得成個場變得冷清左!!好正好舒服喎!!

兩點幾我地先整午餐!!
我終於食到印度撈麵呀!! 又真係幾特別呀!!
面頭仲有炸蒜片!! 好得意!!
再加煎香沙薑雞翼一齊食!! 無得頂!!

食飽後抖左一陣我地又落水!!營友話可見到珊瑚所以我地去左沙灘尾尾睇珊瑚!!
可能今次無帶用具乜都睇吾到!! 只見到大大垃圾堆!!
下次再帶晒全套浮潛用具游出去再去潛過!! 一定要睇到!!
又沖完涼準備開工整晚餐!! 今餐我地唔駛在地上野餐了因為有桌用呀!!
最怕食梗野有小昆蟲陪住你一齊食!! 即刻舒服哂!!

芝士燕麥包塊芝士剛剛溶!! 再加上面頭脆卜卜好鍾意呀!!
拿破倫什菜湯吾該多湯少菜呀!!
最後小雲無心機食洋蔥汁豬扒意粉!!
我差吾多全部食晒!! 差些飽得滯食吾落甜品呀!!
今次自己摸吾到蜆!! 好彩都痴到mimi炒蜆一碟食!! 好惹味!!
同埋小雲比隻肥蛙嘈左成晚訓得唔好!! 煮煮下個頭都吾舒服!!
好彩我隨身帶定粒頭痛藥看門口用!! 吾係你就無心機食綠豆沙做甜品呀!!

呢隻就係尋晚半夜比怪聲嘈醒的井底青蛙!!
真係想釣走隻吹脹肥蛙去!! 等我地有覺好訓呀!! 不過聽聽下都慣左呀!!

好彩小雲訓左一覺好好多!!
今朝美男廚房我試下煎隻荷包蛋先!! 點之失手整爛左一隻!!
我都係坐定定等食好過呀!!
再加埋福字麵!! 好有舊時泳池食福字麵既感覺!! 正!!
之後飲番杯熱辣辣咖啡!! 咪話吾歎!!
食飽抖左陣就開始執營啦!! 因為尾班船係五點鐘吾可以遲呀!!

執得七七八八時!! 個天突然落起雨添!!
mimi叫我地吾好煮午餐呀!! 佢整左兩隻粽和烚蛋比我地食!!
再再再次多謝mimi姐!! 食食下見到有人玩浮潛!!
真係好想玩一轉!! 下次一定帶野玩浮潛呀!!

黎左三日都無影下其他人的營幕!!
呢兩個營直頭似攤位遊戲果種!!

臨尾我地坐係涼亭下涼涼爽爽等船到!!
咁快又玩完三日兩夜第一次灣仔露營之旅!!
希望可以再有機會玩過呀!!

坐船回黃石碼頭時途中見到好多人玩風帆呀!!
又勾起我玩風帆條隱添!!!