呢個聖誕節目多

呢個聖誕節目多!個個玩到笑啊啊!!
2008年雖然大家都會受到經濟影響而吾開心!
但去到聖誕節大家拋開一切盡情去玩!
我同小雲一樣吾放過呢個假期喇!
十二月廿五日我地去左小雲家姐屋企搞第一個聖誕party!
呢一次都接近二十人架!有大又有細!氣氛好熱鬧!
順便可以同而耶穌仔chirs慶祝埋生日!

十二月廿六日我地去左會長朋友屋企搞第二個聖誕party!
今次氣氛都好好!大家玩得好投入!因為大家年齡相近啦!
同埋每個參加者都要係屋企自製一樣美食黎開大食會!
係食聖誕節大餐之前梗係玩下分組集體遊戲!
因為我果日要做遊戲主持所以忘記影相添!
好啦!!係食之前影張大合照先!

同埋美食當前!個個食到停吾到手呀!好喇!開筷!

首先介紹下小雲同小吉制作的{{泰國白雲雞腳}}
好惹味架!酸酸辣辣好好味架!

之後到超人自制{咖哩魚旦豬皮}都好入味!

再之後有腸仔菠羅

茶葉旦

秘製雞中亦

白汁蜆肉火腿意粉

雜果沙律

芒果布丁

仲有屋主買的脆皮肉!同埋幾盒雜錦炒飯!

講番遊戲時間!原本我唸左六七個遊戲!點知大家吾夠時間!
只玩得五個遊戲!好彩個個都玩得好投入!
下次再搞聚會活動一定要預多些時間!

呢個遊戲叫做九公格!每組派三個成員出來!
一開始三個人企上一張報紙的一半!然後企定後維持五秒!
如果成功過關就剪去一格!
一開始大家梗係無問題啦!

組組都成功過晒關!!剪下剪下巳經剪左三格喇!

你睇小雲企得幾犀利!單腳凌空企!勁!
越玩越少報紙格數!最後挑戰完兩格之後!得番一格組組都過吾到!!
不過都要贊下自己果組!可以完成到兩格!

玩完晒遊戲之後到重頭戲!交換禮物喇!

我同超人都抽到惠康現金劵!可以去超市任買任食喇!

個個拿住自己的戰勝品影張大合照!!

抽完禮物之後就到大懲罰時間!玩猜包剪錘!輸左要食西潮大餅!

哈哈!!超人連輸兩舖!乾吞兩大舊!

佢地五個都係今次大輸家!要乾吞西潮大餅!嘻嘻!!

食完野又玩完再抽埋禮物就完成第二個聖誕party喇!

之後第三日十二月廿七日
我同小雲及超人仲有小雲女朋友四個人去左唱卡拉ok
唱左幾粒鐘!開頭大家都係玩下玩下!
點知唱唱下個個都正經晒!唱晒自己的飲歌!
即刻變成{{飲歌大比併}}
大家唱到三點後就行下街!夜d約左朋友仔去小肥牛打邊爐!

最後十二月廿八日
因為天雨關係去吾到行山!吾可以約噹媽行山添!
咁就下午去左食勁辣印度餐!
超人好大膽叫左一碟勁辣牛肉卷同埋勁辣印度炒飯!!
佢食左少少就停左手!但我食到個頭勁流汗但吾理照食!
實在好好味!我吾理隔離印度人係到暗笑都繼續食!
食完印度餐毫之後行下商場買定過年新衫褲!
又買完靓衫後就去左超人屋企打XBOX 360
呢個打交game可以自己design一個自己的公仔!
由樣子到衣著同埋武器係自己揀!
淨係制作公仔都整左成粒鐘!好搞野!!
完成左用自己的公仔打交特別投入架!
連小雲都玩到?癲左!打完之後我同小雲隻手指公都有些痛!!
哈哈.............

呢幾日的聖誕節目真係非常充實!!
希望將來的假日一樣可以咁充實同好玩!