酒泉壽司好抵食呀

我地行完屏山文物徑之後!!就坐輕鐵元朗市中心!!
時間尚早行下街先!!可以搵下有乜好野食!!我地由街頭行到街尾!!
都見到好多間餐廳,小食!!最後就揀左食酒泉食壽司!!
{上網開飯}介紹既酒泉食壽司，原來真係超級好抵食架

!!

先黎一客曼魚壽司先!!你地睇條曼魚幾長!啖啖肉呀

!!

食完個曼魚壽司就開始叫其他款式壽司!!我地一次過叫左廿一件壽司!!

你地睇件件壽司都好新鮮!!見到都流晒口水呀!!

當大家開開心心食得津津有味!!大家食到一半之際!!點解手腳開始媛慢起黎

!!

胃口亦開始轉為飽飽地

!!小雲發現每件壽司舊飯都成一吋多d高

!!

比起大家食開的元氣壽司!我唸呢度一件壽司的飯可以做到兩件元氣壽司飯!!

你地話係咪好抵食呢??一定會好飽肚!!個個出門口一定會抬住個大肚腩走

!!

{{{會長:你可以盡情享受食壽司的樂趣呀!!你咁大食!!一個人食成十幾件壽司!!
一定食得很滿足!!嘻嘻!!講下笑咋!!吾好當真呀

!!吾好打我呀

!!}}

食完一餐飽到上心口的一餐

!!要行下街消化下!!順便要搵一個地方

!!

就係佳記甜品(即係B仔涼粉)!行左一陣就見到舊舗!!我地仲未落到格所以無入到去!!

最後我地去搵間新舗!!好彩舊舗去新舗都有一段距離!!要行好多個街口!

又左轉又右轉!!大家左搵搵又右搵搵咁就到左喇

!!

小雲就叫左水蜜桃xxx

你地睇下一隻隻小眼仔望住你地

!!

而我梗係叫西瓜涼粉

黎到呢度梗係要試下涼粉呀!!又幾好味喎

!!

食埋呢碗甜品就完成今日元朗之旅一日遊喇!