懷舊茶餐廳食餐勁

之前睇dada網誌見到有間舊式茶餐廳！所以我同小雲就走去試下！
dada介紹新華茶餐廳係青山道！嘩！咁長點搵呀！
所以我地由長沙灣大坑渠開始搵！一路行一路搵！
行到近周生生附近, 小雲終於搵到新華茶餐廳！

我地一樣上閣樓坐！因為好少茶餐廳會有閣樓架！好彩有卡位坐！
同埋放糖的鐵器依然保留！

叫左沙爹牛肉麵+火腿奄列+牛油餐飽+咖啡

我地掛住狂影相！但d麵都仲好彈牙！但牛肉就咸左少少喇！

個牛油餐飽就夠晒牛油！吾似有些餐廳比得丁屎咁細舊！

同埋個火腿奄列都好夠料！d火腿咇晒出黎呀！

仲有傳統舊式茶餐廳！用風味瓷杯裝咖啡！正！

仲有梗係叫《肥死人法蘭西多士》+熱奶茶呀！

未食巳經見到一舊牛油活生生放係西多面上！

再加埋超級好味舊式糖漿！吾似大Ｘ樂咁得一包仔！邊到夠味呀！
而家可以瘋狂咁落！吾理咁多！食左先算！

你睇牛油同糖漿混合埋係飽面流落黎的喜悅感難以形容！

食飽飽行出門口見到一對孖女係雪櫃入面！
原來係《生日蛋糕黎架》！

而右手面就放晒d舊式餅！
有《蝴蝶餅，椰撻，蛋撻，紙包蛋糕，合桃蛋糕，蛋卷。。。。》