阿bee帶你遊布吉第三天

第三天：今天開始玩水啦！好野！陽光海灘我黎啦！！

今日係成個旅程的中段！亦係全日自費！
尋日導遊巳經問各團友明天會去邊度玩！原本我地揀左去帝皇島潛水！
因為上網見到有人去過話好清好多魚！咁我地就今次去帝皇島啦！
但小雲之前找的布吉的旅遊代理要我們早一日交錢先！
但我地又不在酒店沒有一個固定地方等他收錢！
所以沒有跟他們一齊去潛！咁就跟番導遊去帝皇島潛水！
點知導遊報左價錢比我地！原來貴成一倍價錢！
所以不潛水淨玩浮潛！我明天哈哈島再潛！
去到帝皇島！個沙灘真係好靚喎！比想像中差不多！d水真係好清！
踩落d沙好似踩落麵粉一樣！個個急不及待換游衣下水！
好彩我有帶私家《潛鏡同呼吸管》可以係沙灘淺水區玩陣浮潛先！

嘩！真係好清喎！游出到吾掂地都見到果底！
咁我同小雲拖住手慢慢游出去！游左一個圈就游番埋岸！
叫埋佢地一齊睇野！開頭型姐係淺水位睇下先！雖然吾太多魚！
但都有大細魚係佢身旁游來游去！
因為佢地無呼吸管所以有請我地兩位《專業助理浮潛導遊》帶領佢出去睇魚！
慢慢游慢慢睇！咁就游左一個圈啦！《多謝型姐1000b》下個到威少！
點知叫極都吾出！唯有佢係岸邊淺水慢慢睇啦！
大家玩左一輪淺水浮潛！導遊就話夠鐘坐快艇出去深水玩浮潛！
坐左一陣船就到！係船邊望落去都見到海底！又係好清！
未落水前一定要著救生衣！同埋有免費《潛鏡同呼吸管》借用！
所以今次威少就有一齊玩浮潛喇！同埋佢地又未用過潛鏡同呼吸管！
所以我地一對一教佢地點樣用！教左一段時間威少吾知點解吸管位勁入海水！
最後放棄吾用吸管！一個帶一個去玩浮潛！
同埋我地自備麵飽去飼魚！一係吾飼一飼就成群魚沖過黎搶食！
好壯觀！大家都好開心！玩左一陣要轉另外地方再潛！
上左船後型姐好玩到嘔！所以下一次無落水係船休息一陣！
咁樣我地三條友繼續玩！呢次威少就發達啦！
兩個陪一個！仲有私人攝影師幫佢影埋相添！

又玩左一段時間！到左食飯時間！我地坐快艇番埋岸開餐！
開完餐仲有時間俾我地影下相！我地上左山頂取景！
上到山！嘩！好靚呀！一覽無遺的風景！個個都搶住拍照！

呢度起左幾間獨立屋！個露台望住個海！吹下海風！訓個靚覺！幾正呀！

準備落山番海灘時！路旁見到隻大約四呎的蚸蜴！
好多人幫佢影相！你睇條樹幹同個頭比較就知幾大隻喇！

落山時因為跣腳差些跌到！好彩企得隱！不過整損左隻腳子公！
費事海水整濕個傷口被迫無得落水！
所以我就訓係沙灘椅在太陽傘下訓個午睡！原來真係幾正！
可以吹一海風！飲下冰湅可樂！人生一大樂事！
有幾何可以咁休閒望住個海歎世界呀！
而佢地三個繼續玩浮潛！如果想看佢地見到乜！
可以看下小雲或威少的日誌！玩完浮潛之後坐番來的快艇走！
你睇坐係威少隔離的外國人！威少+型姐加埋都吾夠佢肥呀！
反而番去時個船程比出發快好多！話咁快又到碼頭！
之後各團友回酒店房梳洗！

因為約左另外兩對情侶一齊坐十人小巴去巴東食海鮮！
來回包車費都係1,000b幾抵呀！即係一對情侶250b咋！
我地行下巴東搵海鮮餐廳！我地行左一圈睇下邊間好！
最後我地揀左Savoey呢間開放式廚房食海鮮！
呢度環境都唔錯！即叫即煮！望到d海鮮都幾新鮮掛！雖然大部份都係雪藏！
最後我地叫左生猛龍蝦、蟹、老虎蝦、炒蜆、通菜同埋蒜容包，
四個人食咁多野都係5885b都算抵的！

食飽海鮮之後四人行下巴東夜市！睇下有無紀念品收獲！
其間我地三個又不停影相！

布吉係通處都見蚸蜴呢﹖行行下街都見到好多人同蚸蜴影相！
甚至擺埋上個頭到！果個外國人幾開心！

行行下見到小雲之前上網資料搜集的街頭小食班戟！
我地叫左朱古力香蕉班戟！熱辣辣好好味！
行晒成條巴東夜市街都買吾到手信同紀念品！唯有放棄！

個個都行人到腳倦！我問大家有無興趣再去食雪糕！
不過今次食單筒！又係好好味呀！開頭佢地話吾食！
但最後都忍吾住口！威少型姐一人叫一個單筒雪糕食！
你睇雪糕的吸引力幾大呀！食完雪糕另外四個團友都到齊啦！
可以坐小巴番酒店啦！

返到酒店我地三個話沖好涼先！之後先去威少間房食宵夜！
咁就叫太子威去沖涼先！之後我地扮番房沖涼！
見佢一廁所沖涼！我地即拿拿林拿個小型蛋糕仔出黎準備！
就比威少一個生日驚喜佢啦！我唸應該佢乜野都吾知架！
見佢出黎個驚訝樣就知佢幾驚訝！
《威少！生日快樂》食完蛋糕飲埋可樂！
再食埋又香又甜的哈蜜瓜之後就各自回房啦！

好啦！咁快又玩左一半旅程喇！
如果想知我地之後行程《請繼續留意第四天！》
明天可能會去潛水呀！吾知好吾好玩呢！各位萬勿錯過！


詳細行程可到以下網誌

Phuket 布吉五天周圍遊 (三)

或者

布吉五日四夜