阿bee帶你遊布吉第二天

第二天：正正式式布吉之旅去參觀！玩之前梗係要歎番個早餐先！
連馬騮仔都埋黎同大家講聲《早晨》！

食飽早餐有氣力出發喇！第一個參觀點係坐獨木舟，
去參觀Tham Lot, Thanboke Koranee, National Park in Krabi！
個個指定動作！著救生衣！個個都著到一舊二舊咁！
你咪以為可以自己撐呀！因為每隻船都有一個船伕跟住你幫你操控！
你睇個船伕幾靚仔幾後生！佢話今年十八歲咋！真係青春可畏！

因為我要影vedio所以坐船頭！而小雲就負責影相！分工合作呀！
撐得一段準備入山洞參觀鐘乳岩洞呀！
最衰video太大不能放上網誌給大家欣賞！
中途我同小雲都問船伕會黎撐下玩下！原來都難撐架！
可能我地驚濕身啦！就住就住！如果換晒衫吾怕濕一定舞得掂佢！

上左岸發現一隻另外的獨木舟！應該係自費比人租自己撐的！
如果下次再黎試下自己撐！吾知呢隻又舞吾舞得掂呢？

呢架就係我地五日代步的旅遊巴！車身有靚靚海底卡通！

坐完獨木舟！又到食飯時間！今次去左博士山莊渡假村食自助午餐！
間餐廳外貌靚就幾靚呀！但係食物種類就少之又少喇！吾梗要啦！
《好食食多d》《吾好食食飽d》！！你地覺得呢餐好吾好食呢？？

大家估下《邊個係小雲》??《邊個係型姐》??

好奇怪除左貓狗通處走之外！連幾呎長蚸蜴都周圍爬！好似動物園咁！

大家食飽飯開始我地係博士山莊的活動呀！
首先踩下單車一路行一路影！我同小雲好快揀好單車！
出發囉！開頭梗係用走馬看花用極速行一圈！
當我地踩到一半左右！後來有架單車從後而來！原來係太子威！
佢竟然吾理型姐等佢自己揀！得佢一個風馳電掣咁追上黎！
又追得幾快喎！我地踩完一圈！型姐仲未搵到岩佢踩的單車！
最後大家試玩雙人單車！原來都吾易控制架！
你要同後面果個要有合契！開頭都會左搖右擺！
當你踩順左就會無問題喇！控制自如！
期間小雲坐後面單手影vedio順便介紹風光添！幾好呀！
到第三個圈我又轉番單人車玩！因為今次到型姐渣機！
我地一路踩一路擺晒舖士比佢影相！
踩完三個圈因為天氣都幾熱所以吾踩啦！

大家梳洗完畢！開始我地周圍影時間喇！大家又估下邊對腳係邊個呢？？

沿途風光如畫！都有好多靚景比我地影！

影影下！型姐見我地影得咁開心！就問威少借相機試下影！
《你睇威少個手勢》！威少真係吾得！

影到差不夠鐘呀！我地去找回團友！佢地好多都無出去行下玩下影下！
只係坐係室內傾下計！有幾個仲訓埋覺添！
黎到咁靚又大的地方！吾參觀又吾玩！咪埋係室內做咩呢？

之後導遊話驚晚餐無位！問我地早少少去食飯得吾得！
無問題啦！如果吾飽咪食消夜囉！

好啦！幾快過埋第二天喇！假如吾會悶親你的話《請繼續留意第三天！》
明天開始玩水啦！鐘意陽光海灘就吾好錯過呀！



詳細行程可到以下網誌

Phuket 布吉五天周圍遊 (二)上

Phuket 布吉五天周圍遊 (二)下

或者

布吉五日四夜