阿bee帶你遊布吉第一天

一年一度旅行又到喇！今次除左我同埋小雲之外！再加埋威少同型姐！
我地四人就去左泰國布吉玩五日！

第一天：由香港出發係香港機場我地約好淩晨五點四十五分等！
真係慘機場快線都未開！晨咁早邊有車搭呀！
最後搭往機場頭班車！去到機場六點十五分到！
好彩領隊姐姐話可以遲十五至三十分鐘！
到左機場拿拿林拎行李去check in！
攪掂所有手續就行左一陣就可以入禁區！
因為未食早餐要入左去即搵大家Ｘ歎下先！

食完早餐就慢慢搵個上機閘口！今次吾駛坐無人駕駛列車！
不過要坐一程接駁巴士上飛機！

趁未派早餐前影下先！

好彩之前打定底食定早餐！吾係就慘喇！點樣捱到中午飯呀！

食完一個迷你三文治早餐！之後傾左一陣！睇多陣報紙咁就到左泰國布吉喇！
落左飛機要坐一程《極快》的接駁巴士！何謂極快就係《極之快收油》！
我唸只踩左吾夠﹛五秒﹜就到達！點解行前大約二十步都要上車！
到左入境大樓真係好細！好似過落馬洲過關一樣！

大家入左境之後！就坐旅遊巴去醫下肚先！
去左一間環境幾好向海景！但食物就一般喇！雖然有齊食蝦蟹！
但只係行貨無乜特別！食完後出左去影下相！

影完相夠鐘番酒店check in喇！我地住Boat Lagoon Resort ！

吾知係咪好彩呢﹖我地無端端《up龜》住左House！一屋兩伙！岩晒我地兩對人！
下面大廳及廚房！上層係房！由大堂去House要坐專車的！
簡直私人別墅呀！正呀！

放好行李入房之後！我地拿拿林執野去泳池下水禮！
享受陽光與海灘！順便試下太子威帶黎的潛水相機！
我地的泳姿靚吾靚呀﹖

游完個零鐘頭！準備梳洗準備食晚飯！吾知布吉餐餐都會有辣的食物！
吾食得辣的人就慘喇！好彩我地仲頂得住！

食飽飽後行下巴東夜市!一落旅遊巴準備行就有少少毛毛雨！
心唸過雲雨的！好快過啦！就入《周杰倫》JUNGCEYLON廣場行陣！
一出黎果然無雨！就開始行街舖！行吾夠五分鐘又落！
好彩有帶傘！又落又停！間中仲幾大下架！

其實落雨行街係非常無隱！
所以行左一陣就去左小雲指定要試食既SWENSEN'S食雪糕！
四個人食個雪糕大餐！九個雪糕球加朱古力火窩！好真係幾好味喎！

食完雪糕準備上車！望下地庫！見到有人做SPA！
幾搞野！露天俾人望住做！我接受吾到啦！

好啦！咁就過左旅程的第一天喇！如想知之後幾天《請繼續留意！》


詳細行程可到以下網誌

Phuket 布吉五天周圍遊 (一)

或者

布吉五日四夜