豬屎火鍋好好味!!

小雲個女朋友上星期回香港公司做野！所以就約佢出黎聚下會！順便可以同佢慶祝下！最後星期六去左觀塘APM，APM都開幕左咁耐而家第一次先去！又係大鄉里出省！
我地未去過！所以早少少去行下先！嘩！原來都咁鬼大架！不過都算齊整！唸起廣場就唸起《朗豪Ｘ》！佢既內部設計真係要問番個設計師先得！左兜右兜行廣場無乜路向！好難行架！反而今次APM個設計就好好多！至少行得舒服呀！因為臨時臨急搵地方去食野！所以去到邊食到邊！之前又見到牛陣！知道會限時限刻！又無選擇到！再行下行下！見到意粉屋有個豬屎火鍋！問下大家都無意見就去試試！
今次揀左海鮮餐入面有龍蝦仔，三文魚，帶子，青口，大蝦，飽片，菇菇，番茹仔，青瓜，麵飽粒，最後墨魚麵（應該無打少左）

味道都算幾幾好味！不過食得多都幾肥仔架！好彩三個人分享！至少無咁肥呀！開頭望落去邊夠食呀！可能一路傾一路食！仲要一路睇相添呀！食呀食呀！去到尾都飽左八成！佢地兩個女仔又話幾飽！

原本之後會叫多個意粉！而家轉叫做甜品！食完都差吾多！今次係第二次食豬屎火鍋！第三次試下自己係屋企整！還掂小雲屋企又有齊豬屎火鍋用具！鐘意食乜就買乜野！種類仲多好多添呀！再凍d先整多次！吾係真係肥仔囉。。。