拉闊音樂2007

大家睇過拉闊音樂未呢﹖我地今次係第一次睇拉闊音樂！真係大鄉里出省！
今次拉闊音樂係草蜢+容祖兒！唸都吾駛唸！我一定係去撐草蜢場啦！八月十一日(星期六)八點巳經到左亞洲國際博物館！到此一遊梗係影番張相留念啦！

未入場館巳經見到好多人行去同一方向！所以問都吾駛問就跟住行實無衰！我地坐D段F行！要落下層直行再右轉！都吾算難搵！指示好清晰！

去到D段入口處！心情非常興奮又緊張！當行入時望去台見到拉闊音樂四個字好突出！

之後慢慢找尋自己的位置！噢！我地坐地下果層重衰過樓上果d位！我地又坐得後！地下坐位吾似紅館咁《前面慢慢上升到最後》當你十行高一兩呎！至小都吾會前面阻住後面果個睇！

坐好位趁未開場即刻拿拿林拎部相機影下個場境俾你地睇下先！

我影左一張之後準備影第二張時！突然面前有個保安人員用電筒照住我！保安人員話：呢度吾俾影相！連電話都吾比用！我即刻同佢理論！《吾係吾俾用閃光燈咩?》佢又話場館規定！我即刻話張票都無講！佢又講多一次！場館規定！我地費事攪大件事咪吾影住喎！話完我地無幾耐即刻前面兩行又影喎！佢又走去話佢！淨係等開場佢都走十幾廿次！真係鄧佢辛苦！好啦！終於等到開場啦！全場都好興奮！大叫大跳！有些人企起身狂呼咁睇演唱會！保安人員即刻上前制止！吾係丫嗎！紅館都比企起身狂呼咁睇演唱會啦！呢度竟然吾比！仲要前面又阻住後面看！惟有睇大電視啦！所以我咪話坐樓上仲好過樓下喎！撇開座位問題！今次草蜢+容祖兒混合演唱會！草蜢唱容祖兒d歌！交換唱大家的歌好似怪怪地！不如唱番自己d歌好過！係上半場我覺不好看！到了下半場各人個人表演！我淨係覺得蘇志威最好！一唱張國榮《側面》他再跟埋他舞步！即刻全場控動！又熱鬧起來！之後蔡一智都唱左一首ALAN快歌！都幾好！不過無乜跳舞！但蔡一傑竟然唱兩番都係慢歌！三個之中最差的一個！好彩去到尾段！真正草蜢+容祖兒演唱會現在開始！即刻播左草蜢快歌！加上他們勁舞！令到前面AB段的人企起身跟拍子跳動及鼓掌！我地CD段即有樣學樣照企照跳照鼓掌！大家非常興奮！好彩都有五首歌！吾係真係得個悶字！

係完場前先影到一張咁大把現場氣氛相片給你們看看！

完了場趁未走得就影影多兩張場館環境俾你地睇下！

如果想睇現場片段請看以下網址！

http://www.my903.com/my903/idclub/idclub_mil/idclub_live/2007Live2/main.jsp